Кыргызстандын президентинин атайын өкүлү Бакыт Торобаев Дача-Суу айылында жайгашкан «Кыргыз Текстиль Хаб» өндүрүш комплексине барды. Визит учурунда өндүрүш инфраструктурасын өнүктүрүү, жабдууларды модернизациялоо жана өлкөнүн текстиль продукциясынын экспорттук потенциалын жогорулатуу боюнча негизги маселелер талкууланды.
Инвестицияларды тартууга жана заманбап технологияларды киргизүүгө багытталган долбоорлорго көңүл бурулду. Ошондой эле тигүү жана текстиль тармагында жаңы жумуш орундарын түзүү жана атаандаштыкка жөндөмдүүлүктү күчөтүү зарылдыгы талкууланды.
«Кыргыз Текстиль Хабдын» өнүгүшү жергиликтүү өндүрүштүн көлөмүн көбөйтүүгө, экспорттун өсүшүнө жана Кыргызстандагы жеңил өнөр жайынын эл аралык аренада позицияларын бекемдөөгө алып келет.