17-июлда ВЛ-220 кВ жогорку вольттуу линиясынын авариялык өчүрүлүшү болуп, электр энергиясын пайдаланууну жөнгө салуу боюнча убактылуу чаралар киргизилди. Энергетикалык компаниялар абанын аномалиялык жогору температурасы менен түшүндүрүшүүдө, анын натыйжасында кондиционерлер жана башка электр жабдыктарынын колдонулушу кыйла көбөйдү.
Электр тармактарына түшкөн жогору жүктөм алардын ашыкча жүктөлүү коркунучун жаратууда, бул электр энергиясынын кошумча үзгүлтүктөрүнө алып келиши мүмкүн. Энергетиктер калкка убактылуу ыңгайсыздыктарга түшүнүү менен мамиле кылууну өтүнүп, кырдаалда чыдамдуулук көрсөткөндүгү үчүн ыраазычылык билдиришет.