Түн ичинде Россия Украинадагы конфликттин башталгандан бери Киевге болгон эң ири ракеталык соккулардан бирин жасады, деп билдирди Украина президенти Владимир Зеленский. Сокку учурунда 40тан ашык баллистикалык жана ар кандай ракеталар атылган, алардын негизги бөлүгү борборго багытталган, ошондой эле 120 сокку уруучу дрон колдонулган.
Алдын ала маалыматтар боюнча, Киевде жана анын айланасында бир адам каза болуп, дагы 16 адам жаракат алган. Жаракат алгандарга зарыл медициналык жардам көрсөтүлүүдө. Соккунун кесепеттерин жоюу боюнча үч жерде иштер улантылууда, ага болжол менен 600 куткаруучу катышууда. Ошондой эле Одесса облусунда ушундай эле иштер жүргүзүлүүдө.