Кыргызстандын маданият, маалымат жана жаштар саясаты министри Мирбек Мамбеталиев ШОС өлкөлөрүнүн маданият министрлеринин 23-советинде VI Дүйнөлүк көчмөндөр оюндарынын маданий программасын биринчи жолу сунуштады. Оюндар 2026-жылдын 31-августунан 6-сентябрына чейин Кыргызстанда өтөт. Министрдин айтымында, бул Оюндар азыркы учурда спорттук иш-чарадан «Көчмөн цивилизациясынын Олимпиадасына» айланып, этноспортту, маданиятты, илимди жана салттуу билимдерди бириктирет.
«Көчмөн маданияты - бул токтоп калган өткөн эмес, экологиялык жоопкерчиликке, мобилдүүлүккө, адаптацияга жана дүйнөгө ачык болууга негизделген жандуу философия», - деп белгиледи министр, Оюндар байыркы салттар менен заманбап глобалдык процесстердин байланышын көрсөтүү үчүн арналганын кошумчалады.