Жарандар экстремалдуу ысыктан ден соолук жана техника үчүн кооптонушууда
Кыргызстанда энергия системасынын ишин жөнгө салуу боюнча убактылуу чаралар киргизилген. Энергия берүүчү компаниялар жана Энергетика министрлигинин маалыматына ылайык, бул чаралар бөлүштүрүү тармактарындагы жүктүн кескин жогорулашы жана жогорку вольттуу линиянын (ВЛ-220 кВ) авариялык өчүрүлүшү себептүү зарыл болгон.
Электр энергиясын керектөөнүн кескин жогорулашынын негизги себеби абанын аномалиялык жогорку температурасы болуп, андан улам турак жай жана коммерциялык объекттер кондиционерлерди жана башка климаттык жабдууларды активдүү колдонушууда.
Техниканын чектүү кубаттуулукта иштеши жабдуулардын жергиликтүү ашыкча жүктөлүшүнө алып келет, бул энергетиктердин кооптонуусун жаратат. Профильдик ведомстволор убактылуу чектөөлөрдүн олуттуу авариялардын жана кымбат трансформаторлордун бузулушунун алдын алуу үчүн багытталганын баса белгилешет.
Адистер күчөтүлгөн режимде иштешет, ал эми калк убактылуу ыңгайсыздыктарга түшүнүү менен мамиле кылууга жана мүмкүнчүлүк болсо, жүктөлүү учурунда электр энергиясын үнөмдөөгө чакырылууда.
Анткен менен, жарандар убадаланган эки сааттык «регулировкалоо» өчүрүүлөрүнүн көп учурда узакка созулуп жатканын белгилешүүдө, бул алардын үй техникасынын коопсуздугуна гана эмес, ошондой эле экстремалдуу ысыктын шартында ден соолукка да кооптонууну жаратат.
Сүрөт www