Балыкчыдагы «Оазис» кафеси экологиялык нормаларды бузганы үчүн айып санкцияларына дуушар болду. Бул тууралуу Табигый ресурстар, экология жана техникалык көзөмөл министрлиги маалымдады.
Министрликтен маалымдашкандай, 18-июлда маалымат каражаттарында жана интернетте «Оазис» кафесинен агын сууга байланыштуу болжолдуу төгүү көрүнгөн видеоролик жайгаштырылган. Бул боюнча, 19-июлда Табигый ресурстар министрлигинин экологиялык жана техникалык көзөмөл кызматынын адистери текшерүү жүргүзүшүп, анын жыйынтыгы экологияны коргоо боюнча мыйзамдардын бузулушун тастыктады.