Кыргызстандагы мамлекеттик башкаруу узак убакыттан бери бюрократиядан, коррупциядан жана аткарылбаган убадалардан жабыр тартты. Көп учурда министрлер өздөрүнүн түз милдеттерин аткаруунун ордуна саясий маселелер менен алектеништи, бул жарандардын бийликке болгон ишенимине терс таасирин тийгизди. Бирок азыркы бийлик абалды жакшыртуу үчүн активдүү кадамдарды жасап, мамлекеттик кызматты коррупциялык практикалардан жана бюрократиялык тоскоолдуктардан тазалоого аракет кылууда.
Реформа алкагында мамлекеттик мекемелердеги документ жүгүртүүнү санариптештирүү ишке ашырылууда, бул документтерди макулдашуу жана кызматтык кат алышууну жеңилдетиши керек.