Бишкек шаарындагы «Орто-Сай» базарында, Суеркулов көчөсүндө, муниципалдык жер тилкесинин мыйзамсыз пайдаланылышы аныкталды. Бул тууралуу шаардык мэриядан билдиришти.
Мыйзам бузуу жер пайдалануу боюнча көзөмөл башкармалыгынын кызматкерлери тарабынан жүргүзүлгөн инвентаризация учурунда катталды.
Адистердин маалыматы боюнча, участок автоунаа токтотуу үчүн ижарага берилген, бирок ижарачы бул жерде жеңил конструкциядан жасалган кафе орнотуп, жерди пайдалануу шарттарына каршы келген.
Мурда объекттин ээсине мыйзам бузууларды жоюу боюнча билдирүү жөнөтүлгөн. Жерди максатсыз пайдаланганы үчүн ага 13 000 сом өлчөмүндө административдик айып пул салынган.