Казакстандын Премьер-министри Олжас Бектенов эки министрликке өлкөгө мыйзамсыз автомобиль киргизүүгө каршы чараларды он күндүн ичинде иштеп чыгуу тапшырмасын берди. Бул чечим транспорт каражаттарын киргизүү боюнча актуалдуу маселелер талкууланган өкмөт жыйынында кабыл алынды.
Бектенов, талап кылынган техникалык жана экологиялык стандарттарга жооп бербеген автомобилдердин киргизилиши улантылып жатканын белгиледи. Мунун негизги себеби - учурдагы бажы мыйзамдарын колдонууда орун алган кемчиликтер. Премьер-министр укуктун нормаларын так түшүнүү жана түшүндүрүүнүн маанилүүлүгүн белгиледи.