Саудовская Аравияда Хадж жана Умра министрлиги умрага барууну пландаштырган зыяратчылар үчүн жаңы көп жолу колдонулуучу визанын киргизилгенин жарыялады. Бул документ берилген күндөн тартып 365 күн бою күчүндө болот жана саякатчыларга ыйык шаарларга бир нече жолу барууга мүмкүндүк берет, бирок жалпы болуу убактысы 90 күндөн ашпашы керек. Визанын хадж учурунда күчүнө кирбеши маанилүү.
Бул кадам, Саудиянын маалымат агенттигинин (SPA) маалыматы боюнча, Saudi Vision 2030 стратегиясына жана Pilgrim Experience программасына ылайык, зыяратчыларды кабыл алуу процессин жеңилдетүүгө, алардын тажрыйбасын жакшыртууга жана берилген кызматтардын сапатын жогорулатууга багытталган.