Виктор Майко
Украина Каспий трубопроводдук консорциуму (КТК) аркылуу казак нефтинин ташуусун жүргүзгөн танкерлерге болгон чабуулдарга катышы бар деген айыптоолорду четке какты. Бул билдирүүнү Украинасынын Казакстандагы элчиси Виктор Майко The Times of Central Asia басылмасына берген интервьюсунда айтты. Ал Киевдин акыркы окуяларга байланыштуу Казакстандын тынчсыздануусун түшүнөрүн белгиледи.
Дипломат учурда Украина тарабынан аталган чабуулдарга катыштыгы тууралуу далилдер жок экенин баса белгиледи. Ал өз өлкөсүнө карата негизсиз айыптоолордон качууга чакырды. Майко ошондой эле украин бийликтери мурда Россия тараптан украин дрондорун колдонууга байланыштуу болушу мүмкүн болгон провокациялар тууралуу эл аралык өнөктөштөрүн эскерткенин билдирди. Анын айтымында, Россиянын радиоэлектрондук күрөш системалары дрондордун маршрутуна манипуляция кылууга жөндөмдүү, бул терең иликтөөнү талап кылат.