Кыргызстандык балбан Асан Жанышов 87 кг салмак категориясында Бириккен күрөш дүйнөсүнүн (UWW) жаңыланган дүйнөлүк рейтингинде биринчи орунду ээлеп алды. Бул маалымат 19-июлда Венгрияда өткөн Ranking Series турниринин рейтингинин жаңыланганы менен белгилүү болду.
Турнирде Жанышов Венгрия жана Хорватиядан келген атаандаштарын жеңип, жарым финалга чыкты. Четвертьфиналда хорват Иван Хуклек менен болгон беттеште алган жаракатка карабай, жеңишке жетти. Бирок, ден соолугундагы көйгөйлөргө байланыштуу машыктыруучулар ага мелдештерге катышууну улантууга уруксат беришкен жок.
Муну менен бирге, кыргызстандык спортчу турнирдеги 5-орунду ээлеп, 9 000 рейтингдик упай топтоду, бул ага UWW рейтингинде биринчи орунду ээлөөгө мүмкүндүк берди.