Экология жана техникалык көзөмөл кызматынын Чүй облустук башкармалыгынын инспекторлору Кант шаарындагы муниципалдык ишкана "Кант-Тазалык"тын автотранспортун текшеришти. Текшерүү учурунда атмосфералык абаны коргоо боюнча мыйзамдардын нормалары бузулганы аныкталды. Натыйжада административдик мыйзам бузуу боюнча протокол түзүлүп, 46 миң сом айып пул салынды.
Мындан тышкары, текшерүү учурунда жергиликтүү тургундардын 50 жылдык Октябрь революциясы көчөсүндө уруксатсыз калдыктарды жыйноо боюнча кайрылуулары каралды. Бул боюнча "Кант-Тазалык" МП дагы 17 миң сом айып пулга тартылып, аталган аймакты тазалоо боюнча көрсөтмө берилди.
