Кыргыз Республикасынын Мамлекеттик кызмат жана жергиликтүү өз алдынча башкаруу агенттигинин орун басары Бактыгуль Усеналиева ведомство мүмкүнчүлүгү чектелген талапкерлерди резервдерден тандоо тартибин иштеп жатканын билдирди. Бул документте ден соолук жана эмгекке жарамдуулук эске алынып, мындай адистер үчүн тандоо критерийлери жана кызматтар аныкталат. Усеналиева, ишти Эмгек, социалдык камсыздоо жана миграция министрлиги менен биргеликте жүргүзүп жатышканын белгиледи.
Ал мыйзам расмий жарыяланган учурдан тартып күчүнө кирерин, бирок анын практикалык ишке ашырылышы тандоо тартиби бекитилгенден кийин башталарын айтты.