Баткен облусунда VI Дүйнөлүк көчмөндөр оюндарына даярдык көрүү максатында «Биримдик кербени» аттуу 40 күндүк улуттук жөрөлгө башталды. Бул тууралуу Баткен облусундагы өкүлчүлүктүн басма сөз кызматы билдирди. Проекттин алгачкы иш-чарасы Лейлек районундагы Тоо жайлоосундагы Шооваз ыйык булагынан суу алуу церемониясы болду. Обряд кыргыздын салттуу жана көчмөн маданиятынын элементтери менен өткөрүлдү.
Церемония учурунда суу Лейлек районунан он жигитке берилди, алар 25-июлда Раззаков шаарынан жолго чыгып, өлкөнүн аймактары аркылуу өтөт. Кыргыз Республикасынын президентинин Баткен облусундагы ыйгарым укуктуу өкүлү Мамыржан Рахимов жарандарды долбоордун башталышы менен куттуктап, катышуучулар үчүн ийгиликтүү жол тилеп, ыйык булактардан алынган суунун элге бакубаттык, жерге тынчтык жана өлкөгө гүлдөп-өсүү алып келээрин белгиледи.