Германияда Өзбекстан жарандарына кыска мөөнөттүү Шенген визаларын алууга жана өлкөдө жасалма документтерди колдонуп калууга жардам берген эл аралык кылмыштуу топко байланыштуу териштирүү башталды. Бул иштин алкагында 11 адам кармалды, ошондой эле бул схемага байланыштуу болушу мүмкүн болгон 76 виза аныкталды, деп билдирет Озодлик.
Териштирүү 2025-жылдын октябрында Прагадан Амстердамга бараткан автобусту текшерүү үчүн Вайдхаус чек ара өткөрмө пунктунда башталды. Жол жүрүүчүлөрдүн бири, Өзбекстан жараны, Шенген аймагында сегиз күнгө чейин болууга уруксат берген C категориясындагы визаны көрсөттү.