Таласта "Чоң-Капка автожолу" көзөмөл постунда Химиялаштыруу, өсүмдүктөрдү коргоо жана карантин департаменти Россиядан келген нуттун партиясын текшерди. Фитосанитардык контролдун жүрүшүндө продукциянын упаковкасы милдеттүү белгилөө белгилеринен ажыратылганы аныкталды.
Агрардык министрликтин маалыматына ылайык, Евразия экономикалык комиссиясынын №157 чечимине ылайык, карантиндик продукциянын ар бир упаковкасы товардын аталышы, келип чыккан өлкө, ошондой эле экспорттоочу же реэкспорттоочу өлкө тууралуу маалыматты камтышы керек.
Евразия экономикалык биримдигинин белгиленген карантиндик фитосанитардык талаптарына жооп бербегендиктен, 22 тонна салмактагы партия Кыргызстанга киргизилген жок жана жөнөтүүчүгө кайтарылды.