Кыргызстандын ар кыл аймактарындагы ишкерлер бизнесин өнүктүрүү, жаңы долбоорлорду ишке киргизүү жана бар болгон өндүрүштү кеңейтүү үчүн жеңилдетилген финансылык жардам алууга мүмкүнчүлүк алышты. Бул программа «Кыргыз Республикасынын аймактарын экономикалык өнүктүрүү» долбоорунун алкагында өлкө президентинин колдоосу менен ишке ашырылууда. Бул долбоордун алкагында жылдык 2% гана пайыздык ставкасында бюджеттик насыялар каралган.
Насыяларды жеке ишкерлер, юридикалык жактар, ошондой эле даяр стартап-идеялары бар жарандар пайдалана алышат. Финансылоо негизги багыты — туризм, жеңил өнөр жай, саламаттык сактоо, билим берүү, энергетика жана айыл чарба продукциясын кайра иштетүү сыяктуу артыкчылыктуу экономикалык секторлорду өнүктүрүү.