2022-жылы Азербайжан президенти Ильхам Алиевдин Бишкекке болгон визити учурунда Азербайжан-Кыргыз өнүктүрүү фонду (АКФР) түзүү боюнча келишимге кол коюлган. Фонддун баштапкы уставдык капиталы 25 миллион долларды түзгөн, бирок 2024-жылы президент Садыр Жапаровдун Азербайжанга болгон расмий визити учурунда ал төрт эсе көбөйтүлүп, 100 миллион долларга жеткен. Ильхам Алиев азербайжандык ишкерлердин Кыргызстанга инвестиция салууга болгон кызыгуусунун өсүп жатканын белгиледи.
«100 миллион доллар - бул чектөө эмес. Биз тиешелүү мамлекеттик структураларга биргелешкен инвестициялык фонддун долбоорлорун ишке ашыруу механизмин тез арада ишке киргизүүнү тапшырдык», - деп баса белгиледи Алиев.
Фонддун негизги кеңсеси Бишкекте жайгашкан. АКФРдин уникалдуулугу, ал келечектүү долбоорлорду каржылап, өнөктөш катары чыгышында. Мисалы, 1 миллион доллар каржылоого муктаждык болсо, фонд бул суммага 49% чейин жаба алат. Башка фонддордон айырмаланып, АКФР насыя бербейт жана кепилдик талап кылбайт. Учурда фонд энергетика, туризм, логистика жана өндүрүш тармактарында бир катар долбоорлорду ишке ашырууда.