МЧС: Кыргызстанда суудагы каза болгондордун саны дээрлик 30%га өстү

2023-жылдын башынан бери Кыргызстандагы суу объектилеринде 74 адамдын өлүмү катталды, бул өткөн жылдын ушул мезгилине салыштырганда 30%га көп, ал кезде 57 өлүм катталган. Бул тууралуу МЧС өкүлдөрү Sputnik Кыргызстан маалымат борборундагы брифингде билдиришти.

Ведомствонун маалыматы боюнча, өлгөндөрдүн арасында эркектер жана балдар көп. Эң кооптуу абал Чүй, Ош жана Жалал-Абад облустарында, ошондой эле Бишкек шаарында байкалууда.