Түркияда, 25-июлга караган түнү, Кырыккале—Самсун трассасында жүргүнчү автобусы кырсыкка учурап, айланып кетти. Cumhuriyet басылмасынан алынган маалыматка ылайык, айдоочу башкарууну жоготуп алган.
Окуя болгон учурда автобустун ичинде 42 адам болгон, алардын 40ы ар кандай деңгээлдеги жаракаттарды алган. Жабыркагандар Кырыккале шаарындагы медициналык мекемелерге жардам көрсөтүү үчүн жеткирилди.
Учурда Түркиянын полициясы болгон окуянын жагдайларын аныктоо үчүн тергөө жүргүзүүдө.