Социалдык тармактарда Кантта жашы жете элек баланын сабалганын көрсөткөн видеонун пайда болушу боюнча алдын ала текшерүү башталды. Бул тууралуу Чүй облусунун Ички иштер башкармалыгынын маалымат кызматынан билдиришти.
Ведомство бул окуяны Ысык-Ата районунун Ички иштер бөлүмүндө мыйзам боюнча каттоого алды.
Учурда алдын ала текшерүү жүргүзүлүп жатат, анын максаты окуянын бардык жагдайларын аныктоо, конфликттин катышуучуларынын жеке баштарын аныктоо, ошондой эле укук бузууну жасоого түрткү берген себептерди жана шарттарды изилдөө.
Ысык-Ата районунун Ички иштер бөлүмүнүн жетекчилиги текшерүүнүн жүрүшүн жеке көзөмөлгө алды. Текшерүү алкагында бардык зарыл тергөө аракеттери жүргүзүлүүдө, экспертизалар дайындалууда, ошондой эле күбөлөрдү жана ишке тиешеси бар башка адамдарды суракка алуу жүргүзүлүүдө.
Алдын ала текшерүүнүн жыйынтыгы боюнча окуянын бардык катышуучуларынын аракеттерине Кыргызстандын мыйзамдарына ылайык юридикалык баа берилет жана тиешелүү процессуалдык чечим кабыл алынат.