Шанхай кызматташтык уюму (ШКУ) алкагында эксперттик коомчулукту жана медиа бириктирүүнүн зарылдыгы жакында өткөн ЖМК жана аналитикалык борборлордун форумунда белгиленди. Кыргызстандагы «Ой Ордо» эксперттик инициативалар борборунун директору Игорь Шестаков, бул өз ара аракеттенүүлөрдүн негизинде конкреттүү интеграциялык долбоорлорду түзүүнүн маанилүүлүгүн белгиледи.
Ал мындай иш-чаралар ШКУнун коомчулук менен жакын байланышына жардам берерин жана уюмдун ишин жеткиликтүү жана түшүнүктүү кылып көрсөтөөрүн айтты. Шестаков ШКУнун таасири эл аралык укукту сактоо принциптерин дүйнөлүк күн тартибине кайтарууга жардам берет деген үмүтүн билдирди.