Узбекистан президенти Шавкат Мирзиёев энергетика министри Журабек Мирзамахмудовду кызматтан бошотуп, анын ордуна Шерзод Ходжаевди дайындады. Бул тууралуу президенттин басма сөз катчысы Шерзод Асадов билдирди. Басма сөз кызматы Ходжаев мурда Узбекистандагы энергетикалык рынокту өнүктүрүү жана жөнгө салуу агенттигинин директору болуп иштегенин, анын талапкерлиги Олий Мажилистин Жогорку палатасынын депутаттары тарабынан жактырылганын тактады.
Мирзамахмудовдун кызматтан кетүү себептери ачык айтылган жок. Ошол эле учурда Узбекистанда электр энергиясын, мунай продуктыларын жана газды пайдаланууну көзөмөлдөө инспекциясында жетекчилик алмашуу болду. Дадажон Исакулов инспекциянын жетекчилигинен кетип, анын ордуна Ахадхон Исокжонов дайындалды.