Ысык-Көл облусунда жайгашкан Кара-Ой айылында «Академия наук» эс алуу үйүнүн аймагындагы бир кафеде канализация сууларынын ашып кетиши боюнча мыйзам бузуу катталган. Бул тууралуу Кыргыз Республикасынын Табигый ресурстар, экология жана техникалык көзөмөл министрлиги маалымдады.
Текшерүү интернет тармагында таралган маалыматтардын негизинде Ысык-Көл облустук экологиялык жана техникалык көзөмөл кызматы тарабынан жүргүзүлгөн.
Инспекциянын жүрүшүндө аталган эс алуу үйүндөгү кафеде канализация сууларынын ашып кетүү фактысы аныкталды. Окуянын себеби канализация сууларын чогултууга арналган септик системасынын толуп кетиши болуп саналат.