Экология, табигый ресурстар жана техникалык көзөмөл министрлиги жашыл зоналарды коргоону күчөтүп, атайын корголуучу табигый аймактарда автоматташтырылган көзөмөл-өткөрүү пункттарын орнотту. Бул чаралар табигый ресурстарды башкарууну жакшыртууга жана алардын коопсуздугун арттырууга багытталган.
Цифрландыруу алкагында министрлик “Кыргыз-Ата” жана “Беш-Таш” улуттук парктарында, ошондой эле “Падыша-Ата” коругунда автоматташтырылган пункттарды киргизди. Бул жаңычылык транспорт каражаттарынын кириши жана чыгышын так эсепке алууга жардам берет, ошондой эле аталган аймактарда финансылык ачыктыкты жогорулатат.
Автоматташтырылган пункттардын жардамы менен келүүчүлөр банк карталарын, QR-коддорду жана электрондук капчыктарды колдонуп, акчасыз төлөмдөрдү жүргүзө алышат, бул кызматты ыңгайлуу жана заманбап кылат. Бул системаны киргизүү адам факторунун таасирин минималдаштырат, көрсөтүлгөн кызматтардын сапатын жакшыртат жана кирген кирешенин так эсепке алынышын камсыз кылат.
Министрликтин ишке ашырып жаткан негизги иш-чаралары табигый аймактарды эффективдүү башкарууга, экологиялык коопсуздукту камсыз кылууга жана жарандарга жогорку сапаттагы мамлекеттик кызматтарды көрсөтүүгө багытталган.
Мындан тышкары, “Сары-Челек” мамлекеттик биосфералык резерватынын жана “Кыргыз-Ата” улуттук паркында заманбап архитектуралык стандарттарга жооп берген кирүү аркаларын куруу боюнча иштер башталды. Бул жаңы объекттер табигый зоналардын инфраструктурасын жогорулатат, туристтер үчүн ыңгайлуу шарттарды түзөт жана алардын кызыгуусун арттырат.
Сүрөт www