Кыргыз Республикасынын Табигый ресурстар, экология жана техникалык көзөмөл министрлигинде 2026-жылдын биринчи жарым жылдыгынын жыйынтыктарына арналган коллегиянын жыйыны өттү.
Иш-чарага борбордук аппараттын жетекчилери, ошондой эле министрликтин карамагындагы жана аймактык бөлүмдөрдүн жетекчилери катышты. Катышучулар өткөн алты айдын ишмердүүлүгүнүн жыйынтыктарын, жетишкен ийгиликтерин талкуулашты жана жылдын экинчи жарымы үчүн приоритеттүү багыттарды аныкташты.
Жыйында 2026-жылдын биринчи жарым жылдыгында министрликтин негизги жетишкендиктери белгиленди:
- абанын сапатын жакшыртууга багытталган долбоорлор ишке ашырылууда, жалпы бюджети 60 миллион АКШ долларын түзөт;
- утилизациялык жыйымдан 159 миллион 293,8 миң сом түшкөн, калдыктарды кайра иштетүү боюнча 107 ишкана катталган;
- катуу үй-бүлөлүк калдыктарды сактоочу полигондордун саны 411ден 290га чейин кыскарган;
- республикада 3 миллион 579 миңден ашык көчөт отургузулган;
- өзгөчө коргоого алынган табигый аймактарды 173 270 турист зыярат кылып, 19,3 миллион сом киреше алып келген;
- 1 444 документ боюнча мамлекеттик экологиялык экспертиза жүргүзүлүп, анын ичинен 1 436сы оң жыйынтык алган, 8и терс жыйынтык алган;
- 1 180 текшерүү жүргүзүлүп, мыйзам бузуу боюнча 2 902 факт аныкталган, 65,5 миллион сомго айыппулдар салынган жана доо арыздар берилген, анын ичинен 38,6 миллион сом өндүрүлгөн;
- кен казуучу ишканалардан мамлекеттик бюджетке 46 миллиард 546,9 миллион сом түшкөн;
- лицензиялардан түшкөн кирешелер 461,1 миллион сомду түзүп, бул жылдык пландан 122,85 пайызга ашык;
- министрликтин киреше бөлүгү 1 миллиард 908,8 миллион сомду түзүп, бул пландалгандан 428,3 пайызга тең;
- нормативдик укуктук актылардын 60 долбоору иштелип чыккан, анын ичинен 30у кабыл алынган;
- «Электрондук бирдиктүү терезе» маалыматтык системасы эксперименталдык пайдаланууга киргизилген.
Коллегиянын жыйынынын жыйынтыгы боюнча министрликтин ишин жакшыртууга, экологиялык коопсуздукту камсыздоого жана табигый ресурстарды туруктуу башкарууга багытталган чечимдер кабыл алынды.
Сүрөт www