Ысык-Көл облусунда Кыргызстандын жана Өзбекстандын жогорку окуу жайларынын ректорлорунун III форуму ачылды, ага КРдин билим берүү министри Догдуркүл Кендирбаева катышты. Иш-чаранын негизги темасы эки өлкөнүн университеттери ортосундагы стратегиялык өнөктөштүк жана жогорку билим берүү менен илимди өнүктүрүү үчүн жаңы мүмкүнчүлүктөр болду.
Министр өз сөзүндө заманбап университет билим берүү функцияларын гана эмес, ошондой эле илимий изилдөөлөр жана инновациялар борбору болушу керектигин белгиледи. Ал ошондой эле мектептер менен университеттердеги реформалар өз ара байланышкан процесс экенин айтты.