Граждандардын каражаттарын «инвестициялык насыялар» деген шылтоо менен лицензиясыз тартуу мыйзамды бузуу болуп саналат. Бул тууралуу Кыргызстандын Улуттук банкы маалымдап, калкты финансылык мекемелерди тандоодо этият болууга чакырды.
Регулятор компаниялар зарыл уруксатсыз депозиттерди кабыл алып, аларды «инвестициялык насыялар» деп көрсөтсө же мыйзамсыз валюта алмашуу менен алектенсе, бул Улуттук банкка кайрылууга негиз болуп эсептелинерин эскертет.
Мындан тышкары, мыйзамсыз финансылык ишмердиктин башка белгилери аныкталса, жарандар бул тууралуу Финансылык көзөмөлгө же укук коргоо органдарына билдирүүсү сунушталат.