Садыр Жапаров жана Ильхам Алиев сүйлөшүүлөрдү өткөрүп, бир катар маанилүү документтерге кол коюшту

31-июлда Чолпон-Атада Кыргызстандын Президенти Садыр Жапаров менен Азербайжандын Президенти Ильхам Алиевдин ортосунда сүйлөшүүлөр өттү. Жолугушуунун натыйжасында эки өлкөнүн кызматташтыгын баса белгилеген бир нече маанилүү документтерге кол коюлду, деп билдирет Кыргызстандын Президентинин администрациясынын маалымат кызматы.

Жапаров жеке сүйлөшүү учурунда Алиевге Кыргызстанга болгон визити үчүн ыраазычылык билдирип, бул жолугушуу кыргыз-азербайжан мамилелеринин өнүгүшүнө жаңы түрткү берет деген ишенимин билдирди.