Чолпон-Атада Борбордук Азия жана Азербайжан мамлекеттеринин башчыларынын жыйыны өтүүдө

31-июлда Чолпон-Атада Борбордук Азия жана Азербайжан мамлекеттеринин башчыларынын формалдуу эмес консультациялык жыйыны өтүүдө. Иш-чарага региондун лидерлери, анын ичинде Кыргызстан президенти Садыр Жапаров катышууда, ал өз кесиптештерин: Азербайжан президенти Ильхам Алиевди, Казакстан президенти Касым-Жомарт Токаевди, Тажикстан президенти Эмомали Рахмонду, Түркмөнстан президенти Сердар Бердымухамедовду жана Өзбекстан президенти Шавкат Мирзиёевди тосуп алды.

Расмий тосуп алуу жана биргелешип сүрөткө түшүү церемониясынан кийин, президенттер кызматташтык жана регионалдык мамилелерди өнүктүрүү маселелерин талкуулоо үчүн залга жөнөштү.