Ош шаарында жергиликтүү тургундардын коопсуздугун арттыруу максатында «Увам» каналынын айланасын тосуу иштери башталды. Бул тууралуу шаардык мэрия маалымдады.
Раззаков көчөсүнүн бойлой 80 метр аралыкка атайын тосмолор орнотулду. Мурда бул участкеде мыйзамсыз курулуштар алынып салынган, алар каналынын нормалдуу агымына тоскоолдук кылып, ошондой эле аймактагы таштанды тазаланган.