Кыргызстанда студенттик фан-клубдар пайда болот улуттук футбол командасы үчүн
Кыргыз футбол союзу (КФС) жана Кыргыз Республикасынын күйөрмандар союзу Enactus Kyrgyzstan уюму менен жаштар жана студенттер арасында футбол күйөрмандарынын кыймылын өнүктүрүү боюнча кызматташуу жөнүндө келишимдерге кол коюшту. Кол коюу 30-июлда КФСтин кеңсесинде өттү.

Иш-чарага КФСтин башкы катчысы Медербек Сыдыков, Кыргызстандын күйөрмандар союзунун башкы директору Талантбек Халжигитов, "Медиа Маркетинг Групп" директору Айнура Тюбеева, Enactus Kyrgyzstan уюмунун аткаруучу директору Алтынай Жумабекова жана Директорлор кеңешинин мүчөсү Айбек Жангазиев катышты.