1-августта Кыргызстан менен Бириккен Араб Эмираттарынын ортосундагы дипломатиялык мамилелердин 30 жылдыгы белгиленет. Бул күнү Кыргызстандын тышкы иштер министри Жээнбек Кулубаев жана БАЭнин премьер-министринин орун басары шейх Абдулла бин Заед Аль Нахайян куттуктоо каттарын алмашты.
Кулубаев куттуктоосунда, үч он жылдык ичинде кыргыз-эмират мамилелери маанилүү бийиктиктерге жетип, өз ара урматтоо жана ишенимге негизделген көп тараптуу өнөктөштүктүн негизин түзгөнүн белгиледи. Ал Кыргызстандын кызматташтыкты өнүктүрүүгө даяр экенин, эки тараптуу байланыштарды тереңдетүү үчүн кеңири мүмкүнчүлүктөрдүн бар экенин айтты.